Cremos na arte como ferramenta para ver con todos os sentidos (agregamos nós) e por iso embarcámonos xuntos no oficio de facer Teatro tendendo a man a outras linguaxes artísticas como á música, á danza e as artes plásticas. Ás veces, tomamos aire e temos a sorte inmensa de que outros artistas queiran contar connosco nas súas creacións. Entón, tamén mergullámonos con ilusión noutras propostas para medrar xunt@s.
Crónica dunha heterosexual insatisfeita
Unha creación de María Ángeles Iglesias producida por Verdeveras Expresións Artísticas en coprodución co Centro Dramático Galego.
Sinopse
Unha muller absolutamente común, desas que saben que non aparecerán xamais en ningún libro de historia, descobre que se está a facer vella, e que se non muda algunha cousa vai morrer conxelada. Decide entón, concretar unha das súas fantasías e convidarnos para que sexamos testemuñas do seu gran momento. Esta será en principio, a reconstrución dunha viaxe cara a dentro, para recoñecer cales son os seus desexos e as súas motivacións nunha etapa de balances vitais; pero logo verémola transformarse, como unha eiruga que despois dun tempo no seu casulo renace bolboreta e se bota a voar, espléndida, por primeira vez.
“Crónica dunha heterosexual insatisfeita” convídanos a reflexionar sobre normas ou parámetros pre establecidos que facemos propios sen pensar se hai unha opción diferente que teña máis que ver con nós mesmas. Aborda temas como a sexualidade, a parella, os soños e as frustracións, os desexos e as fantasías dunha muller que se anima a probar algo diferente, a “ser” da maneira máis completa e diversa posible reivindicando o seu dereito ao pracer.
En tanto creación artística, a intención é poñer luz sobre iso que está oculto, conmover e xerar espazos para a reflexión coa contundente ferramenta do humor.
Equipo
- Anabell Gago (asistencia de dirección)
- Octavio Mas Ibañez (escenografía e iluminación)
- Tato Lopez (música orixinal)
- Deseño gráfico: Lorena Conde
- Fotografía: Inés Salvado Gontad
- Ilustradoras: Xoana Alvarez Martin, Raquel Germade, Alejandra Lorenzo Lorena, Rebe Cierto, Cristiana G.Cao
Publicar unha valoración
Debes iniciar sesión para enviar valoracións.