‘TABÚ’ de Tarabela Creativa en Cee
“Tabú” é o novo espectáculo de Carmen Conde, producido por Tarabela Creativa, que nace froito das conversas recollidas con mulleres de entre 70 e 95 anos no Valmiñor, o Morrazo, o Courel, a Mariña Lucense, a Costa da Morte e o Couto Mixto sobre a súa vida erótica e sexual de xuventude.
Un show de narración oral coa misión de transmitir as historias de confusión, segredismo, amor, picaresca e sexualidade (a máis cruel e a máis desexada) das mulleres que son cimento da nosa terra, as que poden explicar o que somos agora nós: fillas do Tabú.
Un tendal para poñer ó clareo todas as intimidades.
Narración Oral: Carmen Conde
Música en vivo: Nastasia Zürcher
Deseño Sonoro: Ezequiel Orol
Producción e escenografía: Diego Gallego