Músicas de Domingo
Presentación en Pontevedra do disco ‘Músicas de Domingo’ do dúo galego formado por Nelson Quinteiro (voz) e Brais González (piano) que contará con Álvaro Cardalda (acordeón), Iago Prieto (gaita) e Colectivo Máis Cantos como artistas invitados.
O disco recolle once temas de música tradicional galega levada a un eixo de coordenada moi especial e sorprendente. Temas que conmoven e fan viaxar. Un constante xogo de latitudes que fai das pezas de tradición oral galega algo inconmensurablemente universal. Coas colaboracións especiais de Blas Castañer e Roi Adrio na percusión, Erea Carbajales Molina ao violín, Raquel Miguélez ol contrabaixo, e David Álvarez Caneda ao acordeón.