O PREMIO está escrito por Santiago Cortegoso, dirixido por Marián Bañobre e protagonizado por Victoria Teijeiro, Raquel Espada e Xurxo Cortázar.
O PREMIO tiña que terse estreado o pasado 12 de marzo pero por mor da pandemia tivo que adiarse ata o FITO (Festival Internacional de Teatro de Ourense).
Sinopse
O PREMIO é unha comedia aceda que fala da situación das persoas dentro dun futuro próximo no que o progreso tecnolóxico e a loita cara ao éxito económico, sentimental e social fose tal, que se viron obrigadas a caer en “O Premio” como única fórmula de conseguir a felicidade. “O Premio” é un reality en directo onde o público vota a quen merece levar o premio da súa vida: “Morrer logrando a fama. Todo por un soño”
O/a gañador/a do PREMIO terá 24 horas de vida para gozar dos seus soños. Terá 5 millóns de euros para a causa que el/a queira. Poderá escoller a súa morte e morrer sendo un heroe.
Tres finais distintos en función do voto do público.
Ficha técnica/artística
- Creación: Colectiva
- Dramaturxia: Santiago Cortegoso
- Dirección: Marián Bañobre
- Elenco: Victoria Teijeiro, Raquel Espada e Xurxo Cortázar
- Escenografía e vestiario: Marisa de Laiglesia
- Deseño de luces: Javier Quintana
- Técnico de luces: Anxo Outumuro
- Vídeo: Lucía Estévez
- Creación sonora: José Luis Fraga
- Produción: La Quintana Teatro, Escenate e Zeena Producciones
- Coprodución: Centro Dramático Galego e Concello de Madrid
- Distribución: María Moral
