LEIRA de Nova Galega de Danza

PREMIO DO PÚBLICO MIT RIBADAVIA 2020

O corpo e a terra estreitan os seus lazos nun espectáculo de danza e música que nos transporta á dura beleza dos labores do campo. A muller no centro desta conexión telúrica; día e noite, xornada tras xornada repetida nunha sucesión inesgotable de estacións. O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os surcos arados na terra. Pero Leira é tamén a sinxela alegría do traballo feito coas mans, coa valentía do corpo a corpo. A celebración dunha Galicia intemporal e máxica.

Ficha técnica

• Unha produción de: Nova Galega de Danza
• Dirección artística: Jaime Pablo Díaz
• Coreografía: Iker Gómez
• Bailaríns: Ivan Villar, Estefanía Gómez, Inés Vieites, Pablo Sánchez (Covers: Ricardo Fernández, Uxía Rivas e Cesar Louzán)
• Escenografía: Jaime Pablo Diaz
• Composición musical: Sergio Moure de Oteyza
• Voz e música en directo: Rosa Cedrón
• Voces: Aida Tarrío
• Percusións: Miguel Anxo López
• Deseño e iluminación: Antón Cabado
• Vestiario: Erica Oubiña
• Son: Alberto Beade
• Fotografía dossier: Rubén Marta Ruso
• Prensa e distribución: Kandengue Arts
• Patrocinador: Vegalsa Eroski