Malasombra é un proxecto empresarial que non só xera cultura e ilusión, senón tamén postos de traballo, converténdose nunha das empresas con mais distribución en Galicia. Malasombra defende a comedia, pero faino como un medio de comunicación co público e non só como un fin.
SÓS
“SÓS” é unha reflexión, por veces cómica e por veces máis dramática, sobre a vellez, sobre a convivencia, e sobre a soidade que sofren moitas persoas maiores nos seus últimos anos de vida.
“SÓS” conta a historia de Rodrigo e Marcelino, dous homes octoxenarios que se ven obrigados polas circunstancias a compartir piso.
Os dous anciáns non se coñecen previamente, os dous teñen un carácter totalmente diferente, levaron vidas diferentes e teñen costumes e hábitos absolutamente diferentes, polo que a súa convivencia non vai ser fácil, aínda que non lles vai quedar máis remedio que aprender a tolerarse, porque a pesar de que hai moitas cousas que os separan, teñen algo moi importante que os une: os dous están sos e necesítanse mutuamente para saír adiante.
Rodrigo e Marcelino representan dous modelos de vida distintos, case opostos, que facilmente podemos recoñecer no noso entorno.
Marcelino representa ao home máis tradicional, dos que tiveron un só traballo durante toda a vida, e unha muller tamén para toda a vida.
Rodrigo, pola contra, representa un home máis de “mundo”. Emigrou ao estranxeiro, nunca se casou e a súa vida nunca tivo estabilidade, en contraste coa vida de Marcelino, no que a estabilidade foi o seu ben máis abundante.
Todos coñecemos a algún “Marcelino” e a algún “Rodrigo”. Dúas maneiras de ser e de vivir que chocan nun mesmo apartamento compartido. Dúas personalidades opostas, pero cunha necesidade en común: a necesidade humana de sentirse acompañado.
Ficha técnica/artísitca
- Elenco: Marcos Orsi e Jouse García
- Autor: Jose Prieto
- Dirección: Xoque Carbajal e Jose Prieto
- Escenografía: “Kukas”
- Vestiario: Diego Valeiras
- Producción: Esther Aja
- Deseño gráfico: Miguel Carbajal T.
Próximas actuacións
Publicar unha valoración
Debes iniciar sesión para enviar valoracións.