Producions Teatrais EXCÉNTRICAS é una empresa que se dedica á creación de espectáculos teatrais, de productos de entretemento e outros obxectos culturais.
Cartoóns
Presentación
Cartoóns é un proxecto creado na súa totalidade por Víctor Mosqueira e Josito Porto coas colaboracións de Kukas (na escenografía e no deseño gráfico), Quico Cadaval (na dirección) e Pepe Quintela (na iluminación). Un espectáculo de estilo clown e musical, de 60 minutos de duración, con versión de rúa, e dirixido especialmente a nenos de 4 a 12 anos, sen esquecer a todo tipo de público familiar.
Sinopse
Dous tipos abandonados nas marxes. Pode ser na marxe do mar, morando nunha pequena e coqueta illa. O que se chama vulgarmente náufragos, robinsons. Persoas que perderon pé e teñen que aprender a facelo todo de novo, dende a cunca na que beber até o smoking que necesitan para acudir a unha gala. Poden estar na marxe do primeiro mundo, e seren seres que se ven obrigados a exiliarse da guerra da sua patria, para instalarse nas comfortables valados que lles poñemos na porta da UE ou dos USA. Perderon todo e teñen que inventalo todo de novo. Ou, para non viaxar tanto, poden ser marxinais que viven na marxe da nosa sociedade e conveten en luxo o noso lixo. Todo isto parece un drama, mais non é. Se o contase un circunspecto xornalista de investigación, sería sen dúvida, motivo para o pranto. Mais os que penetran e esculcan neses mundos son dous clowns. A ollada inocente dos pallasos fannos ver as cousas diferentes aos medios de comunicación, e cando o candor do clown se atopa coa inocencia da infancia (a primeira, a auténtica) entre as duas crean mundos que antes non existian. As crianzas ven o mundo como non o voltarán a velo e os adultos que os acompañen poderán descubrir algo novo tamén. Os clowns, que teñen algo de dibuxo animado (cartoons) no seu modo paródico e eficaz de comportarse, viven rodeados de cartóns, nun mundo de carsón, esa materia valiosísima que, inexplicablemente, nos tiramos ao lixo diariamente. O cartón serviralles para construir casas, tuberias do gas,cortinas das xanelas, revisteiro, rolo de papel hixiénico, bandeixas, edredons, motos, parasol de praia, catalonxe, skis, ponchos, avions ,emparrados… en definitiva, todo o que o común da xente vai adquirir a unha coñecida multinacional sueca. As escenas descritas, estimulan no auditorio infantil o impulso lúdico,a capacidade mimética, a plasticidade imaxinativa e a criatividade orientada. Tamén é un veículo este espectáculo, de valores, como a colaboración, o traballo colectivo, a solidariedade, a consciencia ecolóxica, a empatía social e a autosuficiencia. A arte poética de convertir o refugallo en bens de uso, tamén icide nas tres famosas “R”s do ecoloxismo: reducir, reutilizar, reciclar. Josito Porto e Víctor Mosqueira, son os interpretes e creadores de “Cartóons”. A experiencia nos distintos rexistros cómicos, a empatia e cumplicidade que conseguiron no espectáculo “Cranios privilexiados”, e as suas variadas pericias artísticas fan de Josito e Víctor, os actores perfectos para levar a cabo, este espectáculo de tan singular factura. Os dous artistas non deixarán pasar a oportunidade de mostrar os seus talentos para o cantar e tocar instrumentos, e mostrar as suas habelencias na área da maxia.
Ficha técnica/artística
- Intérpretes: Josito Porto e Víctor Mosqueira
- Vestiario: Josito Porto e Víctor Mosqueira
- Iluminación: Pepe Quintela
- Escenografía: Marcelino de Santiago “Kukas”
- Música Orixinal: Josito Porto
- Texto Orixinal: Víctor Mosqueira e Josito Porto
- Dirección: Víctor Mosqueira e Josito Porto
Publicar unha valoración
Debes iniciar sesión para enviar valoracións.