Teatro do Atlántico

Libre coma os paxaros

Teatro

Presentación

“O meu pensamento é libre. El é a lei que rexe o meu destino”. “Nada máis que cantos de independencia e liberdade balbuciron os meus beizos”. Rosalía de Castro

Sinopse

Unha muller toma a palabra e proclámase posuidora da súa liberdade. Declara, desafiante, non someterse ás regras da arte no exercicio da súa actividade creativa, nin acatar mandatos dos seus iguais.

Declara o seu amor pola literatura, a poesía e a lingua do seu país; o seu respecto e admiración polas escravizadas mulleres do seu pobo; e expresa a súa solidariedade e a súa dor polas miserábeis condicións de vida que aquelas teñen que soportar.

Denuncia o espolio do patrimonio forestal, a traxedia da emigración á que se ven obrigados centos de miles de compatriotas para poder sobrevivir, eles e as súas familias, á fame e á miseria. E clama contra o silencio que todo o envolve.

Muller.

Filla de nai solteira. E de pai cura. Escritora. E poeta. Galega de pensamento libre. Libre coma os paxaros.

Chámase María Rosalía Rita de Castro.

Ficha técnica/artística

• Textos: Rosalía de Castro
• Composición musical: Vadim Yukhnevich
• Gravación: Mauricio Caruso
• Espazo escénico e iluminación: Antonio F. Simón / Xúlio Lago
• Vestiario: Susa Porto
• Fotografía: Tino Viz/Margen
• Realización de vídeo: e-Me Comunicación
• Técnicos de Escena: RTA
• Dramaturxia e Dirección: Xúlio Lago
• Actriz: María Barcala