Dreaming Juliet de Elefante Elegante

Cartel de Dreaming Juliet de Elefante Elegante

Dreaming Juliet é un espectáculo da compañía Elefante Elegante dirixido a público adulto que se inspira na peza “Romeo e Xulieta” de W. Shakespeare onde se aborda a cuestión máis esencial da existencia humana: o amor.

A paixón, a familia e a maternidade son os temas intrínsecos da obra e o teatro físico e visual a ferramenta da creación. A peza do dramaturgo inglés é un referente universal porque os seus protagonistas despois de amarse desenfreamente teñen un tráxico final.

Dreaming Juliet pretende reflexionar sobre o futuro de Romeo e Xulieta no caso de que non tiveran morto. Qué lle ocurrería ao seu profundo amor se acabaran formando unha familia e tivieran que enfrentarse á rutina diaria xuntos?

Ficha técnica

  • Creación – Gonçalo Guerreiro
  • Dirección artística – María Torres e Gonçalo Guerreiro
  • Dirección de actores – Pablo Sánchez
  • Elenco – María Torres, Marta Alonso, Miguel Paz, Nacho Martín e Gonçalo Guerreiro
  • Composición musical – Miguel Paz e Gonçalo Guerreiro
  • Persusións e teclados – Miguel Paz
  • Contrabaixo – Nacho Martín
  • Guitarra – Gonçalo Guerreiro

FTMC – Boletín #4

Boletín 4 Fondo Teatra María Casares

Estamos xa no mes de abril e aínda estamos confinados nas nosas casas pola pandemia do Coronavirus. Mais xa se albisca o remate do túnel e mentres tanto continuamos resistindo e agardando pola vida que se agocha nos libros de teatro.

Na entrega deste cuarto boletín seguimos informando dalgúns libros especialmente dedicados para a infancia e a mocidade. En particular Teatro por y para niñ@s de Dant Bont, Xogando con gatos de Antón Cortizas (ilustracións de Leandro Lamas) e O Rei Lear. Romeo e Xulieta de William Shakespeare e a versión de Eduardo Alonso/ Cándido Pazó.

Ler máis

FTMC – Boletín #3

Boletín 3 Fondo Teatra María Casares

Publicar o número 3 deste Boletín Informativo  nestes días de confinamento nas nosas casas debido a pandemia do Coronavirus, é un xeito de resistencia, de afirmación da vida e de esperanza.

Algún día, que non está lonxe, poderemos de novo visitar o Fondo Teatral María Casares (FTMC) da Biblioteca Pública de Cangas para ler e representar xuntos TEATRO!  

Nesta ocasión comentamos as pezas Aventuras e desventuras dunha espiña de toxo chamada Berenguela de Manuel María, Sueño de una noche de verano de William Shakespeare (adaptación de Aurora Díaz Plaja), Sin vergüenzas / Sen vergonzas de Felipe Loza e Garbiñe Losada ( tradución de Heitor Mera) e Práctica del teatro para niños de Claude Vallon.

Ler máis

X

Únete á Comunidade!

Inicia sesión ou rexístrate gratis para participar como espectador, artista, profesional ou xestor cultural!