O Grupo de Música e Baile Tradicional Traspés é unha entidade dedicada á recuperación, investigación, conservación e difusión do folclore de raíz.
De Serán en Romaría
“De Serán en Romaría”, é o I Espectáculo de Baile e Música Tradicional da A.C. Traspés, que achega ao público pinceladas do noso patrimonio inmaterial (en moitos casos xa esquecido da vida cotiá dos galegos e galegas), dando vida a usos, costumes e traballos que noutro tempo adoitaban rematar dunha maneira festiva.
Traspés traslada ao público a case un século atrás a través dos relatos, ou memorias, dunha persoa maior que fai de fío condutor a través dunha retroproxección e nos encamiñará polas súas vivencias ao longo dos seus tempos mozos. Todo isto acompañado de material audiovisual, que axuda a dar este salto no tempo sen dificultade. E así, espertar no espectador todo tipo de sensacións (nostalxia, ledicia, morriña… quizais nos maiores) e abrir unha nova fiestra ao público máis novo, posuidor dun xeito de vida totalmente afastado do que se pretende amosar.
Próximas actuacións
Publicar unha valoración
Debes iniciar sesión para enviar valoracións.