SÉS é unha cantautora galega de traxectoria ascendente e imparable que tras a súa irrupción no mercado no ano 2011 está considerada pola prensa como “a revolución da escena musical galega”. O estilo de SÉS mestura coas doses exactas os ingredientes desa fórmula máxica que conseguen un resultado orixinal e xenuíno: rock’n roll, tradición oral galega e certa cadencia da canción de autor latinoamericana con actitude punk, reinvindicación e manexo escénico cunha constante e permanente interlocución cos seus seguidores dentro e fóra dos escenarios. O seu discurso valente, novo, contundente e directo fan da figura de SÉS a voz de moitos, o altofalante certeiro que defende aquilo no que sería ideal crer.
Persoa de contacto | Maruchy Suárez |
Teléfono | 667 706 241 |
Correo electrónico | maruchy.mirmidongmail.cm |
Web | https://ses.gal/ |
Historia | SÉS é o fenónemo musical dos últimos anos da escea galega. A chegada desta cantora coruñesa supuxo unha auténtica revolución que se plasma tamén en cifras, 7 discos en 9 anos, miles de copias vendidas, chegando a ter dous discos entre os máis vendidos do estado, “Opoñerse á extinción”, no número 85 (dúas semanas no top100) e “Liberar as arterias” no número 34 (catro semanas no top100), e miles de entradas vendidas nos seus concertos, facendo sold out en todos os recintos galegos e tamén en cidades como Madrid, Barcelona, Valencia ou Bilbao. En 2020 cruzou o charco nunha xira que a levou a Arxentina, Uruguai, Paraguai e O Salvador. Cunha carreira que non parou de medrar desde que publicou o seu primeiro disco en 2011, SÉS, triunfou na Galiza e máis aló grazas á súa proposta ecléctica que vai do rock ao blues pasando pola canción de autor latinoamericana, con espazo tamén para a alma de “cantareira” que hai no seu interior. Discografía
|
https://facebook.com/mariaxosesilvar | |
https://twitter.com/mariaxosesilvar | |
https://instagram.com/ses_musica/ | |
YouTube | https://www.youtube.com/channel/UCNfI…1v6cA |
Spotify | https://open.spotify.com/artist/7kl9f…ypfNF |