SÉS é unha cantautora galega de traxectoria ascendente e imparable que tras a súa irrupción no mercado no ano 2011 está considerada pola prensa como “a revolución da escena musical galega”. O estilo de SÉS mestura coas doses exactas os ingredientes desa fórmula máxica que conseguen un resultado orixinal e xenuíno: rock’n roll, tradición oral galega e certa cadencia da canción de autor latinoamericana con actitude punk, reinvindicación e manexo escénico cunha constante e permanente interlocución cos seus seguidores dentro e fóra dos escenarios. O seu discurso valente, novo, contundente e directo fan da figura de SÉS a voz de moitos, o altofalante certeiro que defende aquilo no que sería ideal crer.
Xira "Liberar as arterias"
Sés non só segue mantendo a súa valente mensaxe, se non que neste novo traballo poténciaa. Neste novo álbum Liberar as Arterias, Sés percorre América de norte a sur, como non podía ser doutra forma pasado polo seu propio filtro. Sés converteuse nunha das artistas de maior éxito na Galiza polo seu carisma e discurso, así como pola forza e calidade das súas cancións, que sen dúbida a levaron a gañarse un oco no púbico.
Liberar As Arterias é o seu sétimo traballo discográfico co que segue evolucionando o seu particular son que a consagrou no máis alto, e no que se inclúen unha selección de cancións con letra e música composta pola propia cantautora.
Publicar unha valoración
Debes iniciar sesión para enviar valoracións.