Blog - Páxina 2 de 3 - Mundo Escénico

VI Concurso de Teatro Breve TESTEATRO

26/02/2020 por Mundo Escénico

A Mostra de Teatro do Ensino Secundario do Morrazo (MOTESMO) convoca o VI Premio de Teatro Breve Testeatro, correspondente á XXIV edición de 2020. O premio está aberto a todo o alumnado de secundaria e bacharelato entre 12 e 18 anos que concursará en dúas categorías:

Alumnado de 1º, 2º e 3º da ESO
Alumnado de 4º da ESO, 1º e 2º de bacharelato e ciclos.

As obras estarán escritas en galego e terán unha extensión mínima de 2 e máxima de 5 páxinas. O tema do texto presentado é libre. Os tres mellores traballos de cada categoría serán premiados cun agasallo conmemorativo e a súa publicación conxunta nun caderno editado pola organización da Mostra en colaboración da erregueté (Revista Galega de Teatro). Ademáis, as obras gañadoras poderán ser representadas polos grupos de teatro participantes na Mostra na edición seguinte á do premio.

Os textos faranse chegar, ben individualmente, ben a través do centro ao que o alumno/a pertenza, a través de correo postal ou electrónico, ao centro organizador da mostra:

 IES Plurilingüe A Paralaia 
O Redondo s/n. 36950 Moaña, Pontevedra.
 Telf:  886 120 354 
teatroparalaia@gmail.com

O prazo para presentar os textos no IES A PARALAIA remata ás 24 h do día 27 de marzo de 2020.

Bases do concurso

FTMC – Boletín #2

29/05/202025/02/2020 por Mundo Escénico

Nesta segunda entrega do Boletín Informativo continuamos recomendando algúns libros de teatro dirixidos fundamentalmente ao profesorado de ensino primario e secundario que se poderán atopar nos andeis da Biblioteca Pública Central de Cangas onde está ubicado o FTMC.

Os libros comentados son O lobo e a lúa de Andrea Bayer Lloves, III Premio de Teatro Breve Testeatro e Me gusta hacer teatro 1 e 2 de Franco Passatore, Cristina Lastrego e FrancescoTesta

Ler máis

Aberto o prazo para a XIII Mostra de Teatro Amador “Terras do Orcellón” 2020

05/02/202004/02/2020 por Mundo Escénico

Como tódolos anos Tiruleque, Grupo de Teatro anuncia a XIII edición da Mostra de Teatro Amador “Terras do Orcellón” a celebrar no Carballiño entre o abano dos días 3, 10, 17, 24, 31 de Outubro e 7 de Novembro de 2020, ás oito e media da tarde.

Cada grupo seleccionada percibirá a cantidade de 700 euros pola súa actuación, e os socios da Federación Galega de Teatro Afeccionado (FEGATEA), 800 euros.

Seguirá existindo o Premio Tiruleque, que se outorgará -a criterio da organización- ó mellor grupo teatral participante. Este premio, que non ten contido económico, consiste na contratación directa do grupo gañador para a futura XIV Mostra de Teatro Amador “Terras do Orcellón” 2021, sen ter necesidade de pasar pola escolma do Xurado cualificador.

As obras presentadas deben estar interpretadas no idioma galego e ter unha duración de 60 minutos como mínimo, e de 90 minutos como máximo.

As Bases teñen novidades con respecto ás do pasado ano, e o prazo para presentar os traballos remata o 10 de xuño de 2020.

Bases da Mostra

Folla inscrición

FTMC – Boletín #1

29/05/202030/01/2020 por Mundo Escénico

Comezamos este boletín do Fondo Teatral María Casares informando sobre algúns libros de teatro que poden interesar tanto ao profesorado de ensino primario como secundario.

Este boletín será un escaparate que convide entrar no Fondo Teatral María Casares da Biblioteca Pública de Cangas. Alí poderanse descubrir moitos máis.

Este nº 1 do boletín -e outros que seguirán- estarán dedicados a libros de teatro para a infancia e a mocidade porque, xa o sabemos, todo agroma nestes primeiros anos da vida. E o TEATRO, así con letras maiúsculas, é un recurso pedagóxico fundamental.

Durante este ano 2020 a súa periodicidade será mensual -a última semana de cada mes- e despois de comentar os libros de teatro para a infancia e a mocidade, farémolo cos libros máis interesantes para profesionais e xente amadora do teatro.

No Fondo Teatral María Casares (FTMC) hai máis de mil libros e tamén revistas de teatro para todos os gustos!

Nesta ocasión tócalle a quenda a Acariñando os desexos de Xoán Carlos Riobó, Somos os monstros de Paula Carballeira, Fabulaciones en azul de Luis María García González e El juego dramático en la escuela. Fichas de ejercicios de Gérard Faure e Serge Lascar.

Ler máis

Fondo Teatral María Casares

13/10/202031/10/2019 por Mundo Escénico

Qué é o Fondo Teatral María Casares?

O Fondo Teatral María Casares (FTMC) é un fondo que recolle recursos bibliográficos no ámbito teatral e que nace como resultado dun convenio asinado no ano 1995 entre o Concello de Cangas, a Asociación Cultural Entre Bambalinas -editora da erregueté/Revista Galega de Teatro- e a compañía Teatro de Ningures.

Promotores do Fondo Teatral María Casares

Por qué o Fondo se chama María Casares?

A Asociación Cultural Entre Bambalinas quixo nomear así o FTMC en memoria e homenaxe á actriz María Casares (A Coruña 1922 – París 1996), quen ós 14 anos tivo que exiliarse en Francia debido ó golpe militar franquista de 1936. Era filla de Gloria Pérez e Santiago Casares Quiroga, ministro e xefe de goberno da II República.

Ler máis

O folclore tradicional galego (I)

02/02/202005/08/2019 por Daniel Amós

A cultura é a tradición viva e operante dun pobo. En España nace en 1881 tomando o nome de folclore por iniciativa do galego Manuel Machado Álvarez. En Galicia, a primeira que promove e da a coñecer a cultura popular galega ou folclore é a escritora galega, Emilia Pardo Bazán. A cultura galega ou folclore de Galicia está determinada pola súa terra coas súas circunstancias xeofísicas, pola idiosincrasia de xentes, pola súa estrutura económica social, pola súa mitoloxía e pola súa relixión cristiana católica.

Resultado de imagen de baile gallego — Grupo Folclórico de Baiona (fotografía de Manuel Fernández Linera)

Ler máis

Primeiros pasos en Mundo Escénico

21/06/201921/06/2019 por Mundo Escénico

A web de Mundo Escénico ten moitas seccións abertas que non requiren rexistrarse como usuario, pero o rexistro é gratuíto e ten moitas vantaxes, a máis importante: formar parte da Comunidade.

Como me rexistro?

Para rexistrarse podes premer o botón “Únete á comunidade!” que aparece na portada ou ir á ligazón: https://mundoescenico.gal/rexistro

O formulario de rexistro ten campos obrigatorios e opcionais. Ademáis se pode escoller o grao de privacidade para cada campo: se desexas que estea oculto, que o vexan so os teus amigos, etc.

Ler máis

36ª Mostra Internacional de Teatro Cómico e Festivo de Cangas (MITCFC)

21/05/201921/05/2019 por Mundo Escénico

Do 28 de xuño ao 6 de xullo terá lugar en Cangas do Morrazo unha nova edición da Mostra Internacional de Teatro que este ano conta cunha veintena de obras, cinco estrenos e máis formatos e escenarios. De feito aparte de representacións na rúa, tamén está previsto que a praia nudista de Barra sexa un escenario innovador para os espectáculos. Todo isto e outras moitas actividades paralelas converterán a Cangas no epicentro cultural e turístico da zona durante nove días.

Quico Cadaval será o encargado de dar pistoletazo de saida á Mostra na que se estrenarán as obras “A Illa das Matriarcas”, unha coproducción anglogallega de las compañías Aporia Escénica e Theatre of Ancients; “Crunch”, coproducción da compañía galega Muuu e da Mostra; “La gran ofensa”, de Bendita Compañía e El Terrat (Cataluña); “Proxecto Cuco. Cultura contra o cambio climático”, outra coproducción da Mostra con Teatro Tío Teixo; e “C’est pas possible”, de Sempre Arriba, coproducida pola Mostra. Tamén se estrenarán en Galiza outras cinco obras: “Comedia Aquilana”, de Nao de Amores & Cia; “Donna Quixota”, de Pina Polar (Polonia); “La mujer perdida”, de Teatro del Norte; “El desguace de las musas”, de La Zaranda; e “Tentación Divina”, da compañía Artlequín (Arxentina/España).

Máis información: http://www.mostrateatrocangas.gal

Vigo Danza 2019

21/05/201915/05/2019 por Mundo Escénico

Este sábado 18 de maio a Danza ten unha cita no Auditorio Mar de Vigo onde 21 escolas de baile da cidade representarán os seus espectáculos a partir das 20:00. As escolas participantes son As Vagalumes Danzas do Mundo, Escuela de Danza Miriam Pino, Media Punta, Club Deportivo Pasos – Baile de Galicia, Conservatorio Coppelia, Escuela de Danza Pasiños, Escuela de Danza Esperanza Arrondo, Danza Academy, Escuela de Danza Essens, Escuela de Danza Inés Núñez, Centro de Danza Allegro, Escuela de Ballet Kiap, New Era, Escuela de Baile Bambalina, Danza Susana Castro, Itacas Escuela de Danza, Teresa Ngundi Dance Studio, Escuela de Flamenco María Rial, Ballerina Coliseum, Escuela de Baile Artes & Danza y Escuela de Baile Unidance.

A entrada é de balde mediante invitación e os pases poderanse recoller na taquilla do auditorio a partir das 19:00 (máximo 2 entradas / persoa).

XVII Primavera en Danza en Carballo

11/04/2019 por Mundo Escénico

A danza volverá un ano máis ao escenario do Pazo da Cultura de Carballo grazas a Primavera en Danza, un programa que se desenvolverá do 26 de abril ao 12 de maio e que ofrecerá un total de cinco espectáculos:

23 abril: Entresoños, de Fran Sieira (Galicia)
27 de abril: Pink Unicorns, de La Macana (Galicia)
3 de maio: Plastic, de Paula Quintas (Galicia)
4 de maio: La desnudez, de Daniel Abreu (Madrid)
5 de maio: Gaia, de Entremans (Galicia)

Como peche especial, o 12 de maio terá lugar unha gala de baile tradicional a cargo da agrupación coruñesa Xacarandaina, que está a celebrar os seus corenta anos de historia. . Primavera en Danza incluirá tamén actividades complementarias como a exposición Voantes, un taller de danza e a presentación pública dalgunhas das funcións.

Máis entradas

Qué é o Fondo Teatral María Casares?

Por qué o Fondo se chama María Casares?

Como me rexistro?

Únete á Comunidade!